Pantun Madura

Filed Under : Budaya by Abdillah Irsyad El Nur

Rabu, 21 Maret 2012

Pasti semua sudah pernah denger pantun donk. Pada tahu gak kalo pantun itu ada yang versi Bahasa Madura ?? Kalo belom tahu berati pada ketinggalan jaman nih. Nah sekarang nih aku coba memeberi sedikit contoh beberapa pantun Madura. Yaa .... Itung2 buat ikut menjaga dan melestarikan budaya Madura donk.Dalam pembelajaran Bahsa Madura dulu ketika saya SMP pernah diajarkan tentang beberapa jenis pantun Madura. Nah kalau pengen tahu lebih leanjut seperti apa sih pantunnya, mari simak dibawah ini. Oia, maaf ya sbg yg tdk mengerti bahasa Madura aya belom sempat menyertakan terjemahan bahasa Indo nya. :D

:: Pantun Agama ::

manossa odhi' ta' saterrossa
benyak salana ta' apangrasa
dhuli atobat dha' se kobasa
ma' e jauagi dhari apoy naraka

Nyara taretan kodhu pa kowat
dhari guda'an lako maksiat
mandhar e parengana iman se kowat
ma' ta' daddi oreng se mortad

ja' atoro' jaman kamajuanna
tako' pas lopot dhari kapprana
hokom agama tore ja' dhina
tengka se sala badha atoranna

pabenya' nyo'on sapora
dha' ka Allah se koasa
sangat raja balasanna
e dunnya ban aheraddha

Namen cabbi namen babang

Terrong perrat gabay jamo

Ajar ngaji ajar bajang

Dha’ aherat gabay sango

Nyaba’ lappa neng romana

Nyambi assem pamolena

Ajja’ loppa dha’ agamana

Odhi’ marem ban arena

nyang manyang perreng odik
e tatta’ah gebei obur
jek man nyaman deddih reng odik
bekal e se’saah e delem kobur

:: Pantun Baburugan / Nasehat ::

ka berek katemor melleah kesah
derih madureh toron bendebesah
mon dikah tak endek buleh tak maksah
maksaah oreng buleh takok dusah

ka Bluto bngala' burni
ngala' minya' e kalambina
sanonto dhika mabanni
pas ta' enga' ka janjina

ka Bluto ka Baringsang
ka Babbalan lebat Gunggung
sanonto bula posang
ajalan-jalan lako tatandhung

Lo’ naregga perreng pandha’

Perreng talena ageggeran

Lo’ naregga oreng ta’ endha’

Tako’ pamelena lo’ ongguwan.

para ulama ampon adebu
amusyawarah jek bu-ambu
niat se jubak tore pas ambu
paongguagi tak osa ragu

nik madde ampon tak korang
keng manossa selako korang
seang ben malem ampon tak kapalang
rasa tamakna tak endhak elang

tadha' gunana benyak dunyana
tape pas loppa fakir miskinna
loppa atoran dhari guruna
kalompak nafso petteng atena

Ka bajem melle katombar

Mano’ poter kaka’ towa

Pabajang ba’na se ajar

Ma’le penter kalamon towa

Kampong Cena e temor daja

Gula palo e romana

Pong pong ba’na gi’ dha-ngodha

Ja’ malo anya tanya

Ke’ keke’ kerbuy mateh
be’ gibas abudu’an
Nak kanak kenek sendi alakeh
kenneng tembung tongkeng gu’onggu’an

:: Pantun se-kaseyan / Permainan / Jenaka ::

abit ta' ajamo
morongnga lecak daja
abit ta' atemmo
kerrongnga tadha' padha

Serah Oreng Seh ngala’ Tarna’
Pokol Empa’ guring seh manis
serah dhikah le’ seh andhik anak
seh la morka’ bibirah manis…

Acella’ sambi akaca

Nyaba’ odheng dhalem petthe

Mon mella’ badha e mata

Mon meddem badha neng ate

Dhimma jaradda Cena

Etoro’a pendhusana

Dhimma jalanna tresna

Etoro’a ka disana

Sello’ Sesser soca mera

Eara’a ka ju’ tengga

Lolo’ nesser ka se eara

Mon atemmo padha bunga

Terrong kella pathe

Juko’na cakalan guring

Kerrong ekapathe

Mon tak atemmo ekagerring

mon ghetel gheruh

mon mornang congkek

mon nireh ghibe buruh

mon mangman dentek

karowa’an karonningan
pager laok tatta aghi
se towa’an se koningan
tanggel tellok penta aghi

saplathena esassa’a

Ekaserbeta noro’ lorong

Ce’ emanna se apesa’a

Kare abit se ekalong-polong

sittung, duwe’, tello’, empa’

atak kajhel palesteran.

mun ta’ endhe’ dhulih ngoca’

ma’ta’ lanjhengg ka pekkeran.

kaos kotang lek toponah dhedheh
klambih celleng e ka kodhung.
ngkok rajeh otang le’ mekkereh sedheh,
siang malem tak ngiddeh tedhung.

mon alembur malem areh
ngalak aeng dhe’ somorrah
oreng lebur ning saareh
mon niser saomorrah

bileh ondem sengak ngastete
metek kembeng, kembeng melate
mon meddem bei laa bede neng ate
geniko se anyama kembengah ate

Aeng delem e korok katak
lentenah odik e rao’ah
pokok gelem lek dika norok kaka’
mateh odik sengko’ atoro’ah

Kerrap sapena lek
tekok lentenah
tellak lakenah lek
sengkok se mlenjenah

:: Pantun Palenggiran/Loco ::

Bengkona kaju klompong

Kaju pandha’ gabay tabing

Sokona lakar teppang

Esanggu jalan se ba’ jelbing

Arapah cantheng ma’ ames
polanah cantheng pakeben
Arapah wak lanceng ma’ nanges
Polanah terro ka praben

Nah itu dia sedikit pantun yang bisa saya bagikan. Semoga bermanfaat bagi teman2 sekalian ya ..
Terus kembangkan Budaya Madura kita. Supaya nantinya ilmu-ilmu dan budaya itu bisa terus kita turunkan ke anak cucu kita kelak .. :)

5 komentar:

Unknown mengatakan...: Siiipp.........!! Manteep.....!; 15 April 2014 pukul 06.11
Admin mengatakan...: Trimakasih. Silahkan jika ada yg mau ditambahkan mungkin.; 25 November 2014 pukul 10.00
Unknown mengatakan...: Sekalian artinya dong mas ... Thanks; 19 Juli 2015 pukul 22.49
Unknown mengatakan...: lagu sapaneka napa judulla kak. mak lebur. bls nggih; 20 April 2016 pukul 08.32
Baca Saja mengatakan...: Mantaaaaappp; 13 Januari 2020 pukul 15.38